El Bilimi

قوراللار و توصیه‌لر
1- ائل بیلیمی قروپوندا ایران تورکلرینین (آذربایجان، خوراسان، قاشقایی و...) فولکلورو و یئرل (محلی) سؤزلری پایلاشیلیر. اونون یانی سیرا عینی کولتورل حوزه‌ده اولان قوزئی آذربایجان و آنادولو تورکلرینین و عیراق تورکمنلری‌نین فولکلورو دا نشر اولا بیلر.
2- فولکلورا و یئرل سؤزلره عایید اولمایان پوستلار، سیلینه‌جک.
3- نزاکتدن اوزاق سؤزلر، (فولکلور و یئرل سؤز ساییلسالار دا) پایلاشیلانماز.
4- فولکلور ساییلیب آما جنسیت، ملیت، دیل، لهجه، دین و مذهبلری کوچومسه‌ین ماتریاللار پایلاشیلانماز.
5-یازدیغینیز فولکلور یا یئرل سؤزون ایضاحیندا اونون هانسی بؤلگه، شهر یا کند یا دا هانسی ائل و تایفادا یایغین اولدوغونو دا آرتیرینیز.
6- بو قروپدا فولکلور و یئرل سؤزلری یاشادیب، یانسیدان هر هانسی بیر فولکویازی چرچیوه سینده اؤیکو، گزی خاطیره و... ده پایلاشیلا بیلرسینیز.
7- یئرل سؤزلر و فولکلور کتابلاری یا درگیلرینین نشر خبرینی، فولکلور و اونون خادملری حاقدا قورولان سمپوزیوملار ، توپلانتیلارین خبرینی بو قروپدا پایلاشا بیلرسیز.
8-شیفاهی ادبیاتدان وئردیگینیز نمونه‌لرده یئرل دانیشیق شیوه خصوصیتلرینین قورونماسی توصیه اولونور.
9- فارسجا یازماغا آلیشیب، تورکجه یازماقدا چتینلیک چکنلر وارسا، اونلار فارسجا دا یازا بیلرلر. یئتر کی فولکلوروموز یازییا آلینسین، یازیلیرسا باشقالاری دا یادا دوشنلری یازار و لازم گلیرسه او فارسجا یازینی ترجمه ائدنلر ده تاپیلار.
10- لاتین یا عرب آلفابه‌سینده یازماسی آزادیر.
11- عرب آلفابه‌سیله یازیلان متنلرده یئرل سؤزلرین دوز اوخونوشونو گؤسترمک اوچون همین کلمه‌لرین لاتین آلفابه‌سیله ده یازماسی توصیه اولونور.
12- بو قروپدا عضولرین سیاسی، ایدئولوژیک موقعی و فردی حیاتی قورونور، اونلار حاقدا تخریبات آپارماغا، ابدا اذن وئریلمیر.

بونون لاتین الفباسینداکی نسخه سینی و فارسجاسینی هم ده اؤنملی سوال-جوابلارین متنینی بو لینکدن اوخویا بیلرسینیز.

Bunun latin alfabesindaki mətnini və farscsı həm də önəmli sual-cavapların mətnini aşağdaki linkdən oxuya bilərsiniz... ı
https://www.facebook.com/groups/1415600832051761/1536292893315887/?ref=notif&notif_t=like