Delhi Hmar Welfare Association (DHWA)

DELHI HMAR WELFARE ASSOCIATION

Delhi Hmar Welfare Association hi September 13th 1997 a indin anih. Delhi a cheng Hmar hnathlakhai harsatna tuoktu, sietni, thatni a insawmdawl tuo le ei hnam nunphung tlawmngaina chawisang hi a thiltumhai laia pawimawtak anih.

Thiltum hai:
Hnam, sungkuo, mimal dawmkang le chawisang.
Khawvel hmasawn dan le kalchawi danhai le inmil peia pipu nunphunga an thil hlut tlawmngaina, huoisenna, taimakna, indiknahai le thil dang dang kengkaw zing.
Sietni, thatni a inphungbawm le insawmdawl tuo.
Hnam, Pawl, chi-le-kuong inremna le muongna dinga thang lak.
Hnam kalchar ngaihlut, chawisang le sukchangkang pei.
Ram le Hnam hmasawnna dinga a tul ang peia thanglak le hmasawnna lampui le inthanglienna hmangruo zawngsuok tum.
Ram le Hnam tadinga a-kul-a-tai a sinthawtuhai chawimawi le inzana pek.
Sawrkar le Kristien sakhuo dan le inmila kalchawi tum tlat.
Hnam nunphung le inmil lova khawsahai le hnam sukbuoitu le sukmuolphotu zil le thunun.
Inchuklai/thawktu tukhawm mani um nasan thaw lova thlahawl taka khawsahai chu zil le, zil na pawisanawtuhai chungthu ngaituo le rel.
Puotiengmi, damdawi pan le thil dang dang thaw dinga hung inzin, vangduoina lo tuok tuhai sawmdawl le thangpui.
Sinlung suok tukhawm DHWA thiltum pawmtu chu admission fee le membership fee pein DHWA member ni thei atih.
Membership fee hi kumtin a lak ning ata, a hun huom chin chu calendar kum, January le December ning atih.
Membership fee pe zawm naw tuhai chu an chung chang Executive Committee in rel ata, a tul chun an member nina khawm sukbo thei bawk atih.