為食懵與屎面叉

其實這個group係代我表哥開的
詳細情形係關於佢最近領養了的一隻金毛尋回犬
我copy佢女朋友打的一段文章給大家看看
阿懵的情...況是如何悲慘!!!!

hihi, 我就係哩隻可憐狗狗的新主人...我見大家有討論哩隻小狗, 所以決定把詳細情況告知大家...

我是從未試過養/領養狗, 我好多野都唔識, 只能仲書本上/綱上學到一知半解的啊, 所以...有好多野都唔識分"合理"與"不合理"的...


當我知道有小狗可以領養時, 心情又興奮又矛盾, 因已多次經綱上去聯絡發放有狗狗領養的人, 但都不成功....今次終於成功了..

19/8/2009 - 確認我可以領養
經聯絡人-蔣小姐告知, 她已養了狗狗三日, 因舖頭位置不足, 已送往住係粉嶺的朋友度暫住, 要我自己安排車把狗狗由粉領送回她灣仔舖頭, 方便領取 (因我住香港區), 當我約車時, 個司機話我俾佢個地址係屬於 "落馬州"....
當然,在電話裡我再次追問幾點啦 :
1/ 我問: 確認是否不用錢? 她答 :係, 但唯一一個條件就係要替狗狗絕育, 我當然爽快答應左啦
2/ 我問: 狗狗有沒有問題? 她答 : 沒有問題架, 佢住係我度幾日都好乖架
3/ 我問: 點解舊主人唔要? 佢會唔會等我養大左佢返黎拎番 ? 她答 : 因舊主人要立即離港, 佢都好鍚狗狗架, 你見佢d毛色都好靚, 證明佢養嗰三個月, 對狗狗都一定好好 (***當然仲問左好多問題..但不重要, 不詳寫喇..)

20/8/2009 - 領取狗狗返屋企
入到舖頭, 見到有隻金毛訓左門口....一開門.."她"向著我們搖晒尾, 我地都開心到不得了...我估...就係"她"..
入到去, 蔣小姐話我地知 "她"就係我要領養的狗, 佢原名叫 "嘉嘉", 而舖頭內, 仲有好幾隻大大小小既金毛..我見 "她"與其餘 3隻小狗正在玩, 我問蔣小姐嗰幾隻小狗幾大, 她話三個月, 我即講 "吓... 乜三個月同五個月差咁多架咩"...佢話係..我相信了..由於我係新手, 所以咩都冇準備俾狗狗, 故係她的舖頭購買了一些食物及基本用品先走, 途中發現"狗狗"大部份的時間都是訓係地下..冇出聲...(我仲以為....哩d叫懶/乖..原來...唉..)

21/8/2009 - 在家中
與狗狗改了名, 叫阿懵. 發現阿懵係屋企大部份都訓係度, 又時坐坐下, 前兩隻手手滑落下面, 變成趴係度, 另外, 見佢起身時, 後腳好似滑來滑去都起唔到, 哩個時候, 我以為係我屋企個地磚令佢太滑, 加上可能阿懵既手板腳板太多毛, 所以令她不穩...(因出街去廁所時, 睇落情況不太嚴重, 只是行唔到十分鐘, 就訓係地下唔行)

22/8/2009 - 帶她去領狗牌
當漁護人員用部機在阿懵的頸上掃, 發現她已有晶片, 查核過, 係有晶片但沒有登記過 ...我當時有諗過, 乜佢舊主人可以唔登記架咩??? 唔會俾人拉架 ??? 咁..冇登記咪即係冇打預防瘋狗針 ??? 奇怪..
不過同阿懵拎左狗牌都好開心, 因係終於都屬於我地喇...

23/8/2009 - 見獸醫
領養時, 蔣小姐唯一的要求就是替阿懵絕育, 所以之前以電話打去"香港仔診所"度預約做絕育, 但獸醫打番電話黎話, 話狗仔得5個月實在太細, 所以改做 body check; 嗰日去到, 我地話阿懵D手腳及行路好似怪怪, 佢都話 not sure , 因未大定, 咁我地又問其他啦..佢又話唔可以講實. 總之...問親個鬼佬獸醫, 佢都係俾唔到個確認答案我地, 真激死...

24/8/2009 - 去西環睇醫生
由於 23/8 的廢柴醫生幫不上忙, 又擔心阿懵有事, 我地決定搵間朋友介紹既診所再睇多次, 個醫生一摸&睇, 就知阿懵有咩問題
1/ 阿懵不只5月個, 起碼有 7-9個月大, 因牙仔都差不多換好, 仲驗到阿懵出緊水
2/ 阿懵的兩隻後腳屬先天性的 - 犬髖關節發育不全症(CHD)
3/ 前面一隻腳歪曲了
即係話, 阿懵而家基本上係由1隻腳去支撐住整個身體..由於佢前面有一隻腳不能發力, 如果兩隻後腳有事, 前腳不夠力, 都不能轉用"輪椅".....

雖然只係短短養左阿懵幾日, 但聽到哩個消息後, 愛o鍚阿懵的人...都哭了, 不過我地不會因此而放棄的...而家我地正搵緊另一個骨料, 希望可以俾佢地睇下阿懵既情況..但願可以係一個我地能力範圍內的價錢下醫到阿懵..令佢可以有更多時間留係我地身邊....

後記 : 我沒有憎恨過明知狗狗有問題都放出黎給人領養的人, 因沒有佢, 我都不能擁有哩隻咁乖咁叻咁懂事既阿懵, 但有咁多好似阿懵個 case 既狗, 我估都係因為有d人想賺錢而「亂繁殖」的人, 哩班人先係最可惡呀

大家好, 我琴日一早已經打左去太平道做預約......由於當時唔知邊個vet 好, 所以冇指定要邊個 vet.......

一路等至夜晚7點幾....終於confirm 左個 booking 喇, 但個 時間係 星期五上午.....哎呀....我要返工呀......我先問姑娘係邊個醫生....佢話係 Dr. Jonathan.....wooooo......一聽到佢個名, 我立即 confim 個 booking...因我睇到各位既留言, 知道 Dr. Jonathan 係好好... 而家...正安排緊..請假, 約車等...

等睇完Dr. Jonathan後, 再告知大家情況啦 !!

p.s. 多謝大家的鼓勵&關心, 阿懵一定會加油架 ~~

各位朋友好......等我匯報一下最新情況

27/8/2009 - 嚇親
雖然知道阿懵有事, 照醫生的意思, 可與她慢行, 但不能跑或跳, 以免她兇化/退化..所以我地每朝&每晚都與她慢行 20分鐘, 順道可以去廁所..
今晚我地帶阿懵返舊屋, 路程大約 20分鐘, 但有部份是斜路(其實她來了一星期, 都上過去兩次, 兩次都沒問題的)..8:00上到舊屋, 阿懵好氣喘, 飲了很多水...8.00-10.00 與她玩及開餐... 過左陣...她趴在地上悶悶不樂, 我地以零食引她, 但她都不理睬...突然...她沒有改變動作下賴尿 (即係趴係度) 嚇嚇嚇死我地...再加上...stay 左係舊屋企耐, 佢條氣仍然係急喘, 好似好辛苦咁...我地唔知點做好..只好打晒俾d養狗既朋友問下...她是否有事..駛唔駛立即帶佢去睇急証...搞完一大輪, 得出結論係先帶佢返自己屋企, 睇下佢係熟識既地方會否好d. 以免她太辛苦, 我地把她抱回家 (她有 22.14kg, 好彩有兩個大隻佬輪流抱她)
返到自己屋企, 唔到一陣就以 "U"字行訓係度, 起初氣喘好急...我地陪住佢過左半個鐘, 佢條氣開始慢返落黎..再過多大約45分鐘, 她終於訓醒喇..我地同佢玩, 佢都有返反應喇...雖然..企起身時, 手腳都係震震下, 但都尚算精神...

28/8/2009 - 見太平道 Dr. Jonathan
booking 時間係 11.45, 我地大約等左20分鐘就見到Dr. Jonathan , 他首先叫我帶阿懵行來回兩次, 佢問我地阿懵有幾大, 我地話舊主人話只得5個月...佢個樣好驚訝, 佢再睇懵D牙仔, 好 sure 咁講, 懵最少6個月, 甚至係7個月添..之後摸佢D手腳..即講"bad hips"...腳腳好嚴重, 兩隻手手都可能有問題...他詳細講解懵的問題, 建議照 x-ray...就咁..我地就留低懵懵俾佢地...見到佢 assistant 拖住懵入去好唔捨得..(雖然懵一個回頭望我地都冇, 淨係掛住望入面其他狗..一d唔捨得我地都冇..真激氣)..由於要全身麻醉, 要6:00-7:00 先返黎睇report & 接阿懵, 我地只好拎住懵懵個口罩....返屋企等
約好6:30 見醫生, 見到懵的 x-ray, 兩腳的"波波骨"與 hip 分開左好多, 由於仲細..可以做 TPO, $18,000.- 一隻, 而手的 x-ray 暫無異樣, 但check 佢時佢感到痛都可能有問題, 不過可先觀察, 而家最先決既問題係腳腳, 建議盡快做...我地需要時間考慮, 所以先帶懵懵返屋企..佢 assistant 拖懵出黎時..同佢個名一樣, 變得..懵了, 連對眼都變了豆豉咁細, 好彩, 見我地都認得...返到屋企附近, 等佢去完大小後, 都冇再俾佢行, 怕她再整傷, 又怕她麻醉藥未過, 所以..又抱她回家咯..

而家, 我地打算考慮多一日, 最遲星期日覆佢地做唔做手術囉...大家有咩意見, 請留言俾我啦

大家好...

多謝各方既意見..總括黎講.. 贊成與反對的聲音都係一半半.....

雖然..同阿懵相處只係短短十日... 但實在唔忍心見到佢而家咁辛苦, 更加唔捨得退回 pet shop 等佢 "處理" 或...更更更加唔忍心直接拎去....愛護動物協到 "處理"....

所以..經過細心既考慮同認真計算過財力及能力後, 我地最終都決定同佢做手術, 並已安排3/9/09 做第一個手術係 由Dr. Jonathan 做....希望...能順利啦...

** 多謝各位有心人的意見及資料, 更多謝關心阿懵既朋友/綱友們...

網址是這個

http://goldenretriever.hk/phpbb2/viewtopic.php?t=38983

希望大家會支持呀懵星期四的手術成功
健健康康醫好隻腳 之後再醫好埋另一隻腳
快快活活健健康康過新生活喇!!!