‫سوريا واكلها الطيب‬

نحـ‗__‗ـن افضـ‗__‗ـل الـكـروبـات ومـجمـوعـتـنا بكـ‗__‗ـل غـ‗__‗ـرور تضـ‗__‗ـم افضـ‗__‗ـل الأعضـ‗__‗ـاء
السلام عليكم .
هادا الكروب الجميل لكل انسانة مذوقة بالاكل والي بتحب طبختها وحلوياتها اتكون هية الطيبة
ومابيختصر الطعام على اعمار محددة ولا بيختصر على البنات المبتدئين
ومو عيب اننا نتعلم كلنا من بعض ونتناقش ولايفسد للود قضيه واجمالا الطبخات والحلويات من بيت لبيت ومن مدينة لمدينة ومن دولة لدولة بتختلف عن بعض
وكمان كلنا منعرف سوريا واكلها الطيب اديش لذيذ
ويلي عندها وصفة جديدة ومن اي دوله لازم ماتخبيها علينا وتعرفنا عليها
وحتى كلنا منرحب بالاعضاء الي من خارج سورية وهنه اخوات لالنا طبعا
بشكر كل الاعضاء من اصدقاء ومن احباء ومن معارف ومن اشخاص اضيفوا حديثا وقديما على مجموعة سوريا واكلها الطيب
نظامنا بالمجموعة
ممنوع تنزيل منشورات من مواقع تانيه الا اذا كتبت عليها انك اخذتيها من النت وهيك بتشيلي المسؤوليه والغش عنك
ولسنا مسؤولين عن اعلان لاي منتج بتريد صاحبته النصب على الصبايا او منتج سيئ وخاصة منتجات التنحيف الي اغلب روادها شباب باسماء بنات أو الكريمات السامة الي ببيعوكم منتوجاتهم الغير مدروسة طبيا ولا مرخصة
وبناء على طلب صبايا المجموعة سمحنا تنزل المنشورات العامة بعد الساعة تسعة مساء لتاني يوم تسعة الصبح وبدون صور الاطفال والالبسة والديكوارت طبعا وبعدها بتم الحذف
كل بنت بتنحظر مافيها ترجع باسم جديد لمجموعتنا الا لبعد شهر
وكل صبية تكتب اسم الوصفة او الطبخة فوق منشورها والطريقة مباشرة او بتعليق تحت المنشور وبدون اي طلب من البنات وتوسل لان احيانا بتكون الصبيه رايدة تطبخها او اتجربها وماحدا برد عليها وكلنا منعرف صعوبة الانتظار ولازم صاحبة المنشور فورا اتنزل الطريقة
لاتطلبوا من صاحبة المنشور الطريقه لانها مو منزلتها و بالاساس هية بتكون مصورتها بعزيمة وما هية عاملتها او بتكون سارقتها ومصورتها وانتوا بتطلبوا منها الوصفه هي كيف بدها تعطيكم اياها واذا عطتكم اياها رح تعطيكم الطريقة غلط وتتكلفوا عليها عالفاضي والحق مو عليها عليكم لانكم الحيتوا عليها بالطريقة
نفتخر نحن بأننا اول مجموعه بالفيس بتنزل ميزة الملفات وهالميزة بتخليكم اتلاقوا اي اكله وحلويات بدكم اياها بدون ماتسأل عطوني الطريقه ولا بحاجة لاي بنت لان بالملفات اخترنا افضل الاكلات والحلويات مع شرحهم الكامل وبالتفصيل وحطيتهم فيها
والمنشورات الي بالملفات شغل خيرة صبايا المجموعه من ناحية الطبيخ وشغل الحلويات وكلكم خير وبركة كمان .
يمنع صور الاطفال والاشتراك بمسابقاتهم عنا وممنوع تنشري اعلان عن مواقع او روابط بتتعلق بالأكل ويعرض الصبية للحظر هيه والي ضايفتها عالكروب
ولتكون المجموعة ظريفة لازم انبعد عن مواضيع السياسة وقضيتنا مابتنحل اذا حكينا هون وعملنا فضيحة على انا بحب وانا بكره اذا بدها فيه مواقع تانية فيها سياسة تطلع من مجموعتنا وتنضم لالهم
وبعدونا عن السياسة ولاتنجروا لبنت حابة تتفرج عليكم واتنزل صورة او جمله وانتوا اتبلشوا ببعضكم وهية قاعدة مبسوطة عليكم كيف بتسبوا بعض
وهالامر بعرض صاحبة التعليق و صاحبة المنشور للحظر من مجموعتنا وبدون ما نعطيها تنبيه وبتكون البنت مسؤولة عن نفسها وشو ماحكت ومادخل الصبايا فيها
واحيانا بحجة الدعاء عما ينقلب الدعاء لسياسة ومن حق اي ادمن اذا شافت منشور فيه مشاكل تحذف المنشور
مجموعتنا مخصصة فقط للنساء بمختلف الاعمار ويمنع دخول الشباب
كل وصفة رح تاخد اكثر عدد من الاعجابات رح انزل صورة طبختها او حلوياتها بالغلاف
وان شاء الله بنشوف ابداعاتكم
شكرا لكم اختكم ميس الريم