Egyptian Community In Abu Dhabi - الجالية المصرية في أبوظبي

ازاي تستفيدوا من الجروب

الجروب ده اتعمل علشانكم،

علشان نتجمع و نخرج و نطلع رحلات
علشان تلاقي صاحب مصري جدع بمعنى الكلمة
وعلشان نبني بينا و بين بعض حياة اجتماعية محترمة مبنية على اساس سليم و ( نحترم ) فيه أراء بعض سواء الدينية أو الاختلافات و التوجهات الموجودة في مجتمعنا حتى وان كانت رياضية.
علشان لازم نساعد بعض في الضيق. في وقت الزنقة
علشان لازم نكون مع بعض في الفرح
علشان لما يحصل لشخص منا أي مشكلة مايلاقيش نفسه لوحده.
علشان تلاقي حد تعزمة في فرحك لو قررت تعمل فرحك هنا
علشان لو حد خسر وظيفته يقدر يسأل الاعضاء عن وظيفة و يوصل لأكبر عدد ممكن من الناس اللي ممكن تساعدك وفي خلال دقايق
علشان لو انتي بنت و بتجهزي لفرحك تلاقي بنوتة مصريه جدعة تقف جمبك و تساعدك في تحضيرات الفرح
علشان لو بتدور على سكن تسأل على الصفحة و تشوف مين بيشتغل في العقارات يخدمك و ميعملش عليك مصلحة :)
علشان لو بتدور انك تسكن مع حد و محتاج تسكن مع حد طباعك زي طباعه .
علشان لو عايز تبيع حاجه عندك او بتدور انك تشتري حاجه و عايز تسأل رأي الاعضاء فيها
علشان لو عايز تأمن عربيتك تسأل مين بيشتغل في شركة تأمين و يجبلك احسن سعر،

من الأخر كده علشان نحس إننا مش في غربه و علشان نكون دايماً مع بعض :)
يعني من الأخر لازم تسأل و تكتب و تتفاعل مع الأعضاء علشان تفيد غيرك و تستفيد.

اسألونا لو محتاجين اي حاجة و بأمر الله هانساعدكم.

****مطلوب منكم****

- إحترام الأعضاء مهما كانت توجهاتهم سواء مسلمين، مسيحين، مؤيد للشرعية، رابعة ، سيسي ، مبارك او حتى أهلاوي أو زملكاوي.

- تفادي أي نقاش ممكن يؤدي لأي نوع من انواع المشاكل اللي ممكن تخلينا نزعل من بعض. لان ده مش الهدف من الصفحة.

- - البنات اللي في الصفحة اخواتنا و لازم احنا نحطهم في عنينا ونخاف عليهم زي اهل بيتنا ومش المفرض إن أي حد يحرج اي عضو ولا يتعرض له بكلام غير لائق بأي شكل من الأشكال.

- أي حالة هاتحصل هايتم إستبعاد العضو الي مابيحترمش قوانين الصفحة.



اسف طولت عليكم، بس علشان نكون على نور من اولها.

Ahmed elsawwaf


عشان الناس هنا بتحط بوستات طلبات وظايف او سكن او اى مساعدة من اى نوع.
احنا اصلا عندنا صفحات مخصصة للحاجات ديه, الصفحات ديه المشتركين عليها عددهم كبيييير اوووووى فوق ال 80,000.
هنا فى الجروب العدد محدود اكتب طلبك هنا و الناس هتساعد على قد ما تقدر, بس الصفحات هتسهل الموضوع اكتر ديه لينكات لكل الصفحات بتاعتنا:
ديه الصفحة الرئيسية Egyptian Community In Dubai عليها 49,000+ مشترك
https://www.facebook.com/EC.dxb
ديه صفحة أبو ظبى Egyptian Community in ABU DHABI عليها 11,000+ مشترك
https://www.facebook.com/EYGCAD
دبه صفحة الجالية المصرية فى الأمارات Egyptian Community in UAE الجالية المصرية بالإمارات عليها 10,000+ مشترك
https://www.facebook.com/ECUAE
ديه صفحة مخصصة للوظايف The Egyptian lobby - Jobs & Opportunities for Egyptians عليها 18,000+
https://www.facebook.com/The.Egyptian.lobby
أى طلبات ابعت رسالة للصفحة والادمنز هينزلوها وتابع كل التعليقات اللى على البوست بتاعك وبأذن الله خير.
ديه هيا الصفحات اللى تبعنا
لايك عشان تستفيد من الصفحات وشير عشان غيرك يستفيد كمان