English Hangouts

إحنا مين؟!
إحنا ناس صحاب أو ناس عاوزة تستفاد وتتعرف على بعض في نفس الوقت، شايفين إن الإنجليزي محتاج ممارسة ومش مقتنعين بالـمحتوى العلمي اللي الكورسات برَّه بتقدمه للناس أيَّا كان سعره لو الجودة مش قد كده -وده في الأغلب- فبالتالي حضور الكورس مجرد ضياع وقت حتى لو ببلاش لأنك ما بتمارسهوش بالقدر الكافي، خارجين مع بعض عشان نتكلم ونتعرف وكله بالإنجليزي.

إيه الإستفادة اللي بتوفرها الـ English Hangout ؟!
صراحةً الـ Hangout مش بتوفرلك إستفادة في حد ذاتها؛ لكن إنت اللي هتوفرها لنفسك.. بمعنى إنك لو هتخرج معانا ومش هتتفاعل وتتكلم وتمارس اللغة، هتلاقي انك بتستفيد حاجة بسيطة اوي من اللي ممكن والمفروض تستفاده.

اللغة الرسمية في الجروب على الفيسبوك براحتكم الصراحة، لكن من فضلكم يا إما إنجليزي او عربي، غير مسموح بالفرانكو إطلاقًا، وطبعًا اللغة الرسمية في الخروج هو الإنجليزي وبس.

أخيرًا... الموضوع مش رسمي ومش قائم على قوانين ولا قواعد صارمة ولا مطلوب مستويات معينة خالص، أحنا يادوب ناس رايحة تخرج مع بعض عشان تتكلم وتحسن من الإنجليزي بتاعها.

تعالوا وما تتكسفوش..
محدش احسن من حد كلنا بنتعلم smile emoticon