‫إرسم .. !‬

إرســم...!
جروب هدفه ان احنا نفصل شوية برسمة ترسمها بالتابلت .. بالقلم الجاف .. على ضهر ورقة .. بأى حاجة!
المهم انك ترسم و تفصل عن دوشة اليوم و عشان كده الشخصية اللى هنختارها هتكون شخصية كارتون سهلة و كلنا عارفينها..
مفيش قواعد ولا تفاصيل ولا مسابقة ولا حد يحكم عليك انت كويس ولا وحش ولاّ ولاّ..
ارسم و خلاص ..
امسك قلمك...
جهز ورقتك..
كباية الشاى المتينة قدامك ... و
ارسم...!
كل ما تتزنق ... إرسم!
و استمتع وانت بترسم...
(كل اسبوع الادمنز هيختاروا شخصية الاسبوع
و تخش تحطها فى ألبوم الشخصية وأي رسمة خارج شخصية الأسبوع تحطها في ألبوم شخبط وإلا هتتمسح)
"وأول أسبوع من الشهر بيتعمل صراع بين شخصيتين كرتون، مثلا بطوط مع wolverine، المطلوب انك تتخيل الصراع بينهم فى أي شكل يعجبك وترسمه، ورجاء عدم رسم شخصية واحده منهم فقط، احنا بنعمل الصراع أول كل شهر بهدف التجديد"
بس كده!
مستنيين ابداعاتكوا :)
(لكن برجاء مراعاة الآداب الإجتماعية المتعارف عليها و مراعاة الذوق العام ويمنع منعاً باتاً التعدى بأى لفظ خارج أو سب أو قذف أو اى إيحاءات غير لائقة على أى عضو بالجروب)
دوسوا بنزييييييين...

ملحوظة: كل الرسومات بتاعت كل شخصية هنختارها هتجمع و تتنشر على موقع كوميكس جيت في موضوع مستقل و هيتعملها فديو جامد على قناة كوميكس جيت.