KingSolo Promotion International

ሂሩት አባቷ ማነው? (Who Is Hirut’s Father?) የኢላላ ኢብሳ ፊልም
(በኢትዮጵያ የዘመናዊ ፊልም ፋናወጊ ገጸ-በረከት)
……./////………..
ከቀደመው ምንተሺ ዓመታት ጀምሮ ቅኔ የሚዘረፍባት፣መርገድ የሚወርድባት እንደዚሑም የሙዚቃን ቅኝት እስከነ ምልክቱ ለዓለም ባሳወቀችው በዚሕ ታላቅ የታሪክ አገር ኢትዮጵያ ለዘመናዊው ስልጣኔ ጀርባዋን የመስጠቷ ማሳያ ብዙ ነው....በፊልም ጥበብ ስንክሳር በሂሩት አባቷ ማነው? አስደናቂ ፊልም እስከተበረገደ ድረስ የመጀመሩ ስንክሳር ከንጉሳውያን እልፍኝ እስከ ከቤተክሕነት ጉባዮ የመዝለቁ ነገር ዛሬ ላይ ሆነን ስናስበው ብቻ ለጉድ ነው…….በኢትዮጵያ የፊልም መነሻ ታሪክ ውስጥ የዳግማዊ ሚኒሊክ ዘመነ መንግስት እንደመነሻ ሲታወስ የሚወዛወዘውን የሰው ምስል በሲኒማ ጨርቅ ላይ ለተመለከተቱት የዘመኑ ካሕናት ትርጉሙ ሰይጣን ነበር…ልክ እንደስልኩ ሁሉ የዚሕን የፊልም ነገር ያልወደዱት ቀሳውስት ጃንሆይ በሰይጣን ሥራ እንዳይሳተፉ መገዘታቸው አልቀረም…የዛ ንጉስ አዋቂነት ግን ጥግ ነው…..በሚመጣው ቴክኖሎጂና በሚወራው ሁሉ እውነተኛና አሳማኝ ነገር ከቀሳውስቱ እንዲመጣ እሱም በስልጣኑ ማስፈራራቱ አልቀረም……ቀን አብዝቶ ሲገፋ የጎጃሙ እራስ ኃይሉ የተባሉት ሹም ቸርቸር ጎዳና ላይ በአዲስ አበባ “የሰይጣን ቤት“ ብለው የሰየሙትን የሲኒማ ቤት አቆሙ….ግዙትና እርግማኑ ሳያስፈራቸው፡፡ ዘግይታ ያቺ የኛ ጠላት ጣልያን ገባች እናም የራስ ኃይሉን የሰይጣን ቤት አንዳንድ ነገር እያሳያች እና ሞሶሎኒንም እያወደሰች ፕሮፖጋንዳ መንዛቱዋ ሳያንስ አገሬውን መቀፈሉዋ…..አዲስ አበባ ብቻ አልነበረም በቅኝ ግዛት ዘመን የጥልያን የፕሮፖጋንዳ ሲኒማ በድሬዳዋ፣በጅማ፣ጎንደር እና ደሴም ቆመ……………...፡፡
በኢትዮጵያ የመጀመሪው ዘመናዊ ፊልም “ ሂሩት አባቷ ማነው? “ የተሠራው በኢላላ ኢብሳ ሲሆን ጊዜውም እ.ኤ.አ 1964 ዓ.ም ነው፡፡ በዚሕ ፊልም ላይ መሪ ተወናይ በመሆንና ሂሩትን ተመስላ የሠራችው አርቲስት አበበች እጅጉ ስትሆን በዘመኑ በመላው ኢትዮጵያ ተደናቂነትን እንዳተረፈቸች ሲነገር በሕይወት ዙሪያና የሰለሞን በቀለ አስቴር ፊልም ለእያታ እስከበቁበት እ.ኤ.አ 1990 ዓም ድረስ በአዲስ አበባም ሆነ በክፍለ ሀገራት “ ሂሩት አባቷ ማነው? “ እና የዋና ተዋናይ አረቲስት አበበች እጅጉ ትልቅ መነጋገሪያ ሆነው እንደቀጠሉ ይነገራል፡፡ በኢላላ ኢብሳ የተሠራው “ ሂሩት አባቷ ማነው? “ ተሰኘው ፊልም ደራሲ ደረሲ ማሞ ውድነሕ እንደሆነ ሰምቻለው ነገርግን ተጨማሪ መረጃ ማግኘት አልቻልኩም(እናንተ መረጃው ካላችሁ አካፍሉን)
ሰላም!!!
ከወደዳችሁት Share አድርጉት