E-Translation First Term

جروب خاص بطلبة ترجمة انجليزى جامعة القاهرة ترم اول نوفمبر 2014
تعليمات و اساسيات الجروب :
1- جروبنا هو جروب تعليمى خاص بطلبة الترم الاول ترجمة انجليزى و اى اخ او اخت من خارج الكلية اهلا و سهلا بية ما لم يؤثر العضو الكريم بشكل سلبى على الهدف الرئيسى للجروب و هو المنفعة العامة المتعلقة باللغة الانجليزية
2- جميع الادمنز فى الجروب هما اخوات لينا كلنا و لا هما مديرين و لا رؤسانا فى الشغل ههههههههههه هما هنا لمساعدتنا جميعا و جزاهم الله عنا خيرا
3- الاحترام المتبادل ما بينا هو اساس التعامل اللى لازم يكون بينا جميعا و الحمد لله الناس اللى موجودين كلهم محترمين و متربين و دة شئ جميل فى جروبنا
4- فى حال وجود اى شكوى من وجود اى محتوى غير لائق ارجو تبليغ الادمن الموجود و ان شاء الله يتم التعامل بالشكل المرضى للجميع
5- طبعا جروبنا جروب تعليمى ملوش علاقة لا بالسياسة و لا الدين فيما عدا تهاني الاخوة المسلمين و الاقباط فى الاعياد و المناسبات الدينية
6- ممنوع التطرق للاحاديث الجانبية اللى ملهاش علاقة بمضمون الجروب و اللى فى النهاية اكيد هتختم بخناقة ههههههههه فبلاش منها اصلا
7- اختلاف مستوياتنا فى اللغة الانجليزية اكيد موجود و دة مش عيب و لا هو مجال للسخرية من بعض لاننا كلنا بنتعلم من بعض و انا شخصيا معنديش اى مانع انى اتعلم من حد احسن منى فى الانجليزى حتى و لو كان اصغر الاعضاء سنا و علية فى حال وجود اى سخرية من اى من الاعضاء بمن فيهم انا سوف نكون اسفين اننا نقولة شكرا يا فندم و حضرتك مش معانا .. جروبنا هو العيلة الجديدة اللى كلنا اعضاء فية
8- بالنسبة للبوستات اللى ملهاش علاقة بمحتوى الجروب او موادة الدراسية سيتم استبعادها للتسهيل على كل الاخوة الدارسين الوصول للمعلومة المطلوبة بدون وجع قلب