حيوانات اليفة بيع شراء تبني في سوريا

كل صاحب بوست مسؤول عن البوست يلي نشره
يعني بس تشوف اي حدا فايت يخرب البوست او يتظارف بتبعت رسالة
للادمن ولاتجادل ولاتناقش حدا
واي شخص من يلي عم يشاركو بالبوست اذا ادخل بالمشكلة بكون عم يشارك بتخريب البوست
-----------------------------------------------
اما اذا صاحب البوست مابلغ عن المشكلة
الادمن بيحذف البوست بدون تنبيه
--------------------------------------------------
اذا صاحب البوست تهجم على عضو عم يعلق عالبوست حذف البوست
---------------------------------------------
بهدف التوعية وبعد التصويت نطلب من كل عضو راح لعند الطبيب البيطري بس يرجع ينزل بوست يكتب شو صار معه الايجابيات والسلبيات ليعرف الطبيب وين اخطائه وليعرف كل واحد منكن اي طبيب يتعامل معه مع ذكر اسم الطبيب
والمناقشة باحترام حتى لاينحذف البوست
-----------------------------
قـــوانـــيــــن الــــغـــــروب
---------
بالنسبة للبيع ينحط بالبوست
الصورة والسعر والفصيلة والجنس والعمر والمكان واللقاحات
---------
وبالنسبة لبوست التبني
كمان نفس بوست البيع بس اكيد بدون كلمة السعر
مع شروط التبني حسب مابده صاحب الحيوان
--------
يمنع بيع وتبني الحيوانات تحت سن شهرين ونص لحماية هالحيوانات ماتمرض وتموت ويلي عندو ظروف خاصة بوضح ظروف التبني فقط - البيع ممنوع -
----------
وبالنسبة للتعامل مع البوستات
بوستات البيع والتبني والبوستات الطبية وبوستات المناقشات
ممنوع منعا باتا اي تعليقات مابتخص موضوع البوست
يعني نعتبرهن خط احمر يلي بيعرف الجواب هوه يلي بيعلق وبس
واهم شي المسخرة وكلمات التجريح والضحك على هالبوستات حينحظر يلي عم يعلق بدون تنبيه
----------
ممنوع وضع صور الامراض عالبوست الصورة بتنحط داخل التعليقات
----------
اما بوستات الترفيه والمزح
خدوا راحتكن بالتعليقات بس كل واحد يمزح متل مابيمزح ببيته ماحدا يخلي حدا يزعل منه يعني اهم شي نحترم بعض
واكيد صاحب البوست حيتحمل كل التعليقات مايزعل من حدا
-------
يسمح بالبوستات التي تحتوي صور الحيوانات مع اصحابها لكن مع مراعاة الادب
-------
التنبيه حذف من الغروب مرتين والتالتة حظر نهائي اما في حال المسبات خظر نهائي بدون تنبيه
-----
واي بوست ماله علاقة بموضوع غروبنا بينحذف
وبوستات العنف ضد الحيوانات ممنوعة بتنحذف بدون تبليغ
واي روابط لغروبات تانية او صفحات بينحظر صاحب الرابط لان بالاصل فايت ينشر اعلان مو فايت يستفاد من الغروب واي عضو بيحظر ادمن حذف العضو من الغروب
بالنسبة لبوستات السهرة حيكون بوستين المسموح فيهن باليوم وبموافقة الادمن واي حدا بينشر بوست سهرة بدون موافقة الادمن بينحذف من الغروب
--------
يمنع التكلم في السياسية والإساءة لأي شعب أو دين أو عرق أو بلد وخصوصا جماعة حقوق الانسان حذف بدون نقاش
============================
مجموعة مختصة في بيع وشراء وعرض جميع انواع الحيوانات ومستلزماتها
بالاضافة الى استشارات عن صحة الحيوان ومشاكله وتغذيته وسعره وكل مايتعلق بحياته ( قطط - كلاب - طيور بانواعها - سلاحف - ارانب - اسماك زينة - خيول - سعادين - اغنام - افاعي - جمال )
تاريخ انشاء المجموعة 17-8-2012 اول مرة
اما المجموعة الحالية تاريخ انشاءها الاحد 18-8-2013