Palanta Urang Awak Minangkabau
Assalaamu’alaikum Warahmatullahi... Wabarakaatuh…
Palanta Urang Awak Minangkabau atau acok disingkek manjadi “PUAM”, adolah ibaraik PALANTA nan biaso di Kampuang Tampek/tampaik Bajuntai, Tampek Maunjua-kan kaki sambia Istirahat, Tampek mailangkan raso bosan karano panek bakarajo saharian, Tampek bacarito, bisa juo Tampek babaleh Pantun, Tampek Bagurau, Tampek Bagalak-galak, Tampek membahas Isyu semasa nan lagi Hangat diperbincangkan - bisa dari Persoalan Bumbu Dapua sampai Politik bagai, Walau indak sapanuahnyo batua, tapi itulah sebagian kebiasaan Urang Minang caro ma-Update wawasan dan pengetahuan, karano satiok urang indak samo caro manarimo suatu Isyu maupun persoalan, jadi sebuah Isyu acok indak ado Ending nyo.
Untuak itu mako paralu dimaklumi kalau sampai ado pergeseran makna dari sebuah Thread, tantunyo paralu kito menyikapinyo sacaro Bijak pulo, Hindarilah bakato nan bisa manyingguang perasaan Dunsanak nan lain, Sabok disiko Langkok bana, ado Alim Ulama, Cadiak Pandai, Niniak Mamak Basa Batuah, Anak Pusako sampai babarapo keturunan nan lahia dan gadang di Rantau. Walau Admin bausaho sadapek mungkin untuak mangkondisikan diri sa-Netral mungkin, tapi nan namonyo Manusia tantu tatap sajo ado kelemahan nyo, Untuak itu kami dari segenap Pengurus/Admin Mamintak Mauh sabanyak-banyaknyo jikok ado Thread, Komen nan lapeh dari Kontrol Kami.
Adopun nan sabana-bana Niaik Kami mambuek Grup “PUAM” ko indak labiah hanyo sebagai “PANYAMBUANG SILATURRAHIM” antaro Urang Minang dima juo barado, Harok-harok bisa mempersatukan Urang Minangkabau Sa-Dunia.
Kalau lah bulek Aia ka Pambuluah mungkin suatu saat nantik bisa pulo PUAM ko Manjadi Cikal – Bakal “PERSATUAN URANG AWAK MINANGKABAU”, Insya Allah.
Dek iko namonyo Dunia Maya, tantunyo banyak nan Ganjia, banyak namo dan Identitas nan disamarkan, buliah dikatoan Dunia Tanpa Batas, Cuma kami Admin bisa baharok, supayo Dunsanak Anggota Grup “PUAM” Tampil jo Profile Asli, Gambar Profile nan sopan, minimal bisa Manenggang dan Menyesuaikan Diri jo “Icon” Minangkabau nan Beretika Tinggi, nan terkenal jo Filosofi – Filosofi Agamis, apolai kalau diselaraskan jo “ADAT BASANDI SYARA’ – SYARA’ BASANDI KITABULLAH”.
Itulah sekelumit tentang “PUAM” dan “Harapan” nan ado di dalam nyo.
Wassalam
Dari Segenap Pengurus / Admin “PALANTA URANG AWAK MINANGKABAU”